സംശയം

നവോത്ഥാനം
അമ്മയുടെ കുട്ടിക്കാലത്ത് സംഭവിച്ച
 എന്തോ ഒരു സംഗതിയാണ്
പാഠപുസ്തകത്തിൽ അതുണ്ട്
പഠിപ്പിച്ച മാഷ്‌ക്ക്  അതറിയില്ല
അദ്ദേഹം ശ്രീനാരായണ ഗുരുവിന്റെ
വലിയ ഭക്തനാണ്
പന്തി ഭോജനം പന്തി ഭോജനം
എന്നു കേൾക്കുന്നു
അതെന്താണെന്ന് അച്ഛനോട്‌ ചോദിച്ചു
അമ്പലത്തിലെ ശാന്തിപ്പണിക്കിടയിൽ
പറഞ്ഞു തരാൻ പറ്റിയില്ല
നവോത്ഥാനം എന്തെന്നറിയാൻ
അടുത്ത വീട്ടിലെ  ട്യൂഷനെടുക്കുന്ന
ഇത്താത്തയോട് ചോദിച്ചു
ജിന്നിനെ കുറിച്ചു ചോദിക്കാൻ പറഞ്ഞു.
നവോത്ഥാനം  അമ്മയുടെ ഓർമ്മയിൽ
 കുട്ടിക്കാലത്ത് സംഭവിച്ച
എന്തോ ഒരു സംഗതിയാണ്
 ആർക്കും ഒന്നുമറിയില്ല
അതുകൊണ്ട്
അടുത്ത വർഷം
സില്ലബസിൽ നിന്നുമതു നീക്കം ചെയ്യുമായിരിക്കും .