നിശ്ശബ്ദത
പേടിച്ച ഒരു കിളിയാണ്
നിസ്സഹായതയോടെ
നമുക്ക് മുന്നിലിരുന്ന്
അത് കണ്ണുകളിലേക്കു നോക്കും
ആദ്യ പ്രണയത്തിന്റെ പേടി
അതിന്റെ കണ്ണുകളിൽ നിന്നും
നമുക്കിടയിലേക്ക് ഇറങ്ങി വരും
അപ്പോൾ നാം അതിനെ ഓർത്ത്
സങ്കടപ്പെടും
കുറേനേരം കരയും
എന്നിട്ട് നാം കണ്ണു തുടച്ച്
പറന്നു പോകും
നമ്മുടെ മുറിയിൽ
കാത്തിരിക്കുന്ന ഏകാന്തതയിലേക്ക്
നിശ്ശബ്ദത
അവിടെയും പറന്നിറങ്ങും
വാതിലിൽ വന്യമായ കാറ്റ് മുട്ടുവോളം
No comments:
Post a Comment