ചുവന്ന നദിയായി ഒഴുകിപ്പോയി

എല്ലാ വെള്ളരിപ്രാവുകളെയും
അവർ കൊന്നു തിന്നു
എല്ലാ ഒലീവു മരങ്ങളും
അവർ കത്തിച്ചു കളഞ്ഞു

എല്ലാ വെള്ളത്തുണികളും
അവർ കുഞ്ഞുങ്ങളുടെ
ചോരകൊണ്ട് ചുവപ്പിച്ചു

എല്ലാ പൂക്കളിലും
അവർ വിഷം പുരട്ടി
ശലഭങ്ങളെ തിരിച്ചയച്ചു

ഇതൊന്നുമറിയാതെ
പേരറിയാത്ത ഒരമ്മ
വീണു കിടക്കുന്ന പൂവിനടുത്തിരുന്ന്
മകനേ മകനേ എന്നു വിളിച്ച്
ചുവന്ന നദിയായി
ഒഴുകിപ്പോയി ...