Sunday, November 16, 2014

വയൽ നീയല്ലല്ലോ



നിന്റെ നിലവിളിയിൽ വെച്ചു മറന്ന
എന്റെ സന്തോഷം
തിരിച്ചെടുക്കാൻ വന്നപ്പോൾ
എന്റെ നിലവിളികൾ
നീ കുടിച്ചു തീർക്കുകയായിരുന്നു

പിന്നെ  
നാം വയൽ വരമ്പിലൂടെ ഒന്നിച്ചു നടന്നു

വയലിൽ ആരുമുണ്ടായിരുന്നില്ല
വയൽ അനാഥയായിരുന്നു

പറമ്പിലെത്തിയപ്പോൾ
വയലിന്റെ നിലവിളിയിൽ
നമ്മുടെ സന്തോഷം വീണുപോയി

അതു തിരിച്ചെടുക്കാൻ
വയൽ നീയല്ലല്ലോ !

No comments: